![](https://blogger.googleusercontent.com/img/b/R29vZ2xl/AVvXsEjZ7pmX7nj_xkvlhn5zIKVum0WsBuJseEk0ap112G0ABCI9IpVoVDzX_DHn6svm3oDYLqXJDfVAfpU0C-LO8uH3vIXF1WWwuFzr_MyeqIRQLcvQdrBpJSNvoR8c-M-IMJQ_dpVvIv8wzLQ/s320/pumpkinpatchTolmachoff03.jpg)
விட்ட மழையிலிருந்தது
ஒதுங்கும் காடு
காக்கி கால்சட்டை அணிந்த சிறுவன்
பச்சை மிளிரலிலிருந்த
ஒரு பூசணிக் கொடியைக் கண்டான்
அதன் கொடிகளில் விழுந்து படர்ந்திருந்த
மின்னல் அவன் கண்களில் அடிக்க
ஒரு தாதியைப் போல் செயல்படத் தொடங்கினான்
இரு கைகளாலும்
அந்தப் பச்சிளம் பூசணிக் குழந்தையின்
கால் பகுதியைப் பிடித்தான்
குலுங்கி வலியால் துடித்த
தாயின் சத்தத்தைக் கவனியாது
வெடுக்கென இழுத்தான்
அதன் பிசுபிசுப்பான ஈரத் தலையை
மார்போடு அணைத்து
வீட்டிற்கு விரைந்தான்
அவன் அம்மாவிடம் குழந்தையைக் கொடுத்துவிட்டு
அவன் கண்களில்
அவன் தந்தையாக ஏறிநின்று
பகிர்வளித்த சந்தோஷத்தில் குதித்தான்.
நன்றி:வார்த்தை